ثلاث كلمات كتسمعهم بزاف وكيتستعملو بحال بحال — وماشي نفس الشي. فهم الفرق كيعاونك تعرف واش الثمن معقول ولا لا.
Second-hand — المصطلح الواسع
Second-hand كتعني غير حاجة وحدة: القطعة عندها مالك قبلك. صافي. ما كتقولش ليك شحال عندها، ولا واش أصلية، ولا واش مزيانة.
قطعة تلبست مرة وحدة العام اللي داز = second-hand. وقطعة من 1995 = second-hand حتا هي.
Vintage — مرتبط بالعمر
Vintage كتعني القطعة عندها عمر معين. القاعدة اللي كيخدمو بيها أغلب الناس: من 20 عام وفوق. أقل من هادشي كيتسمى عادة retro ولا غير second-hand.
علاش مهم؟ حيت القطع القديمة عندها cut وقماش ما بقاوش كيتصنعو. جاكيطة من التسعينات ما تقدرش تشريها جديدة مهما خلصتي — وعلاش الثمن كيطلع.
ملاحظة: vintage ماشي معناها متقدة. قطعة vintage بحالة مزيانة كتكون غالية حيت نادرة.
Thrift — مرتبط بطريقة البيع
Thrift (ولا thrift store) أصلها محلات خيرية فأمريكا وأوروبا كتبيع الحوايج المتبرع بيها بثمن رخيص. الكلمة ولات كتتستعمل لأي شراء حوايج مستعملة بثمن منخفض.
فالمغرب، «الفريب» أقرب لمعنى thrift — كومة، تقلب، تلقى ولا ما تلقاش.
جدول بسيط
| الكلمة |
كتوصف |
مثال |
| Second-hand |
الملكية |
تيشرت تلبس مرة |
| Vintage |
العمر (20+ عام) |
جاكيطة من 1998 |
| Thrift |
طريقة البيع |
كومة بثمن رخيص |
علاش هاد الفرق كيهمك؟
حيت الثمن. ملي شي واحد كيقول ليك «vintage» وكيطلب ثمن عالي، خاصك تتأكد واش القطعة فعلاً قديمة ونادرة، ولا غير مستعملة عادية والكلمة مستعملة للماركيتينق.
علامات الـ vintage الحقيقي: الإتيكيت القديم (التصميم واللوجو كيتبدلو مع السنين)، بلد الصنع، وطريقة الخياطة.
وفـ Lbass Original؟
أغلب القطع عندنا هي second-hand أصلية، وبعضها vintage حقيقي. كنكتبو اللي كاين ماشي اللي كيبيع — إلا قطعة ماشي vintage، ما غاديش نسميوها هكاك.
شوف كل القطع المتوفرة ولا اقرا كيفاش تعرف الحالة.
