بيع حوايجك — Sell Your Clothes
الجواب المختصر
إلى عندك حوايج براند مستعملة وباغي تبيعها، صيفط الصور، البراند، القياس، الحالة، والثمن المتوقع. Lbass كيشوف واش القطعة مناسبة، كيعطي تقييم، وكيقدر يقترح كاش، store credit، أو طريقة أخرى حسب الحالة والطلب.
عندك حوايج براند؟ تقدر تبيعها لينا أو تختار Lbass Credit وتشري بها من الموقع.
شنو هو Lbass Credit؟
Lbass Credit هو رصيد كتقدر تستعملو فالموقع باش تشري قطع من Lbass Original. تقدر تاخدو إلا بعتي لينا حوايجك، أو كتعويض إلا وقع تأخير أو مشكل فطلبك.
Lbass Credit كيقدر يعطيك قيمة أكثر من الكاش، وكتستعملو باش تشري أي قطعة من الموقع.
اختار كيفاش بغيتي تخلّص
من بعد ما نشوفو القطع ونعطيوك العرض، كتختار انت:
-
💰 بغيت Cash
تحويل بنكي. الأبسط إلا بغيتي الفلوس بحالها. -
🏷 بغيت Lbass Credit — قيمة أعلى
رصيد كتستعملو فالموقع. كيكون أكثر من عرض الكاش على نفس القطعة. -
🤝 بغيت Consignment
كنبيعوها ليك، وتاخذ نسبتك ملي تتباع. مناسب للقطع الغالية.
مثال توضيحي فقط
Cash: 200 درهم · Lbass Credit: 260 درهم
هاد الأرقام مثال باش تفهم الفكرة. العرض الحقيقي كيتحدد حسب البراند، الحالة والطلب على القطعة — وكيوصلك من بعد ما نشوفو الصور.
الخطوات
- صوّر القطعة — من القدّام، الور، و الإتيكيت. صوّر العيوب إلا كاينين.
- صيفط لينا فالواتساب — ذكر البراند، القياس، و الحالة.
- خذ عرض واضح — كنراجعو و كنعطيوك عرض خلال 24 ساعة، فيه الجوج: الكاش و Lbass Credit.
- اختار اللي عجبك — كاش، Credit، ولا Consignment.
شنو كنقبلو؟
- حوايج براند أصلية فقط (Nike, Adidas, Levi's, Ralph Lauren, TNF, و غيرهم)
- حالة جيدة أو أحسن
- نظيفة و بلا روائح
شروط Lbass Credit
- الرصيد بالدرهم المغربي (MAD).
- كيتستعمل غير فـ lbassoriginal.com.
- ما كيتبدلش بالكاش.
- كيتستعمل مرة وحدة، إلا اتفقنا على غير هادشي.
- كيتطبق على ثمن القطع، ماشي على التوصيل.
- ما كيتجمعش مع عروض أخرى إلا بموافقة منا.
- كاين ليه تاريخ صلاحية، وكيتقال ليك ملي كتاخدو.
- كيتربط بالزبون اللي أخذو — ما كيتقاسمش وما كيتباعش.
كنقولو ليك كل الشروط قبل ما تقبل العرض. ما كنعطيو حتى رصيد قبل ما نشوفو القطع.
💬 بيع حوايجك وخذ Credit تشري به من الدروب ←
أسئلة متكررة على Lbass Credit
كيفاش كنستعمل Lbass Credit؟
ملي تقبل العرض، كنصيفطو ليك كود خاص بيك فالواتساب. كتحطو فصفحة الدفع (Discount code) وكيتنقص من مجموع الطلب.
واش نقدر ناخد الكريدي كاش؟
لا. Lbass Credit كيتستعمل غير فالموقع وما كيتبدلش بالكاش. إلا بغيتي الفلوس، اختار عرض الكاش من البداية.
واش الكريدي كيسالي؟
إيه، كاين ليه تاريخ صلاحية وكنقولو ليك ملي كتاخدو. إلا قرب يسالي وما استعملتيهش، صيفط لينا فالواتساب.
واش كيخلص التوصيل؟
لا. الرصيد كيتطبق على ثمن القطع، والتوصيل كيتخلص عادي (20 درهم داخل مراكش، 40 درهم خارج مراكش، ومجاني من 500 درهم).
واش نقدر نستعملو مرتين؟
لا. كل كود كيتستعمل مرة وحدة. إلا بقا ليك شي مبلغ، تواصل معانا وكنشوفو معاك.
أسئلة مهمة على البيع لـ Lbass
شنو خاصني نصيفط باش يتقيم المنتج؟
صيفط صور واضحة من القدام، اللور، label، أي عيب، مع البراند، القياس، المدينة، الحالة، والثمن المتوقع.
شنو الحوايج اللي كتقبلو؟
الأولوية للحوايج البراند، streetwear، vintage، الجاكيتات، الجينز، الصباط، الهوديات، والإكسسوارات فحالة قابلة للبيع.
كاش ولا store credit؟
الاختيار كيتحدد حسب القطعة والطلب عليها. store credit ممكن يعطي مرونة أكثر، والكاش كيبقى حسب التقييم والاتفاق.
شوف الدروب المتوفر دابا
قطع أصلية مختارة، صور حقيقية، وخلص غير ملي توصلك.